aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ghair ko tum na aankh bhar dekho

Meer Hasan

ghair ko tum na aankh bhar dekho

Meer Hasan

MORE BYMeer Hasan

    ġhair ko tum na aañkh bhar dekho

    kyā ġhazab karte ho idhar dekho

    ḳhaak meñ mat milāo dil ko mire

    meñ samjho Tuk apnā ghar dekho

    dekhnā zulf-o-ruḳh tumheñ har vaqt

    shaam dekho na tum sahar dekho

    gul hue jaate haiñ charāġh tarh

    ham ko Tuk jald aan kar dekho

    aap pe apnā iḳhtiyār nahīñ

    jabr hai ham pe kis qadar dekho

    raam bātoñ meñ to vo ho na sakā

    naqsh o afsūñ bhī koī kar dekho

    laḳht-e-dil tum na samjho mizhgāñ par

    āshiqī ye hai samar dekho

    vasl hotā nahīñ bhalā kyūñkar

    apnī hastī se to guzar dekho

    dekhte nahīñ to kyā kahiye

    kahiye tab haal kuchh agar dekho

    Dhalte ho tum butāñ udhar dil se

    āj-kal jis ke haath zar dekho

    ishq-bāzī se baaz aao 'hasan'

    chhoḌ do apnā ye hunar dekho

    ghair ko tum na aankh bhar dekho

    kya ghazab karte ho idhar dekho

    KHak mein mat milao dil ko mere

    ji mein samjho Tuk apna ghar dekho

    dekhna zulf-o-ruKH tumhein har waqt

    sham dekho na tum sahar dekho

    gul hue jate hain charagh ki tarh

    hum ko Tuk jald aan kar dekho

    aap pe apna iKHtiyar nahin

    jabr hai hum pe kis qadar dekho

    ram baaton mein to wo ho na saka

    naqsh o afsun bhi koi kar dekho

    laKHt-e-dil tum na samjho mizhgan par

    aashiqi ka ye hai samar dekho

    wasl hota nahin bhala kyunkar

    apni hasti se to guzar dekho

    dekhte hi nahin to kya kahiye

    kahiye tab haal kuchh agar dekho

    Dhalte ho tum butan udhar dil se

    aaj-kal jis ke hath zar dekho

    ishq-bazi se baz aao 'hasan'

    chhoD do apna ye hunar dekho

    Source:

    Deewan-e-Meer Hasan (Pg. 82)

    • Author: Meer Hasan
      • Edition: 1912
      • Publisher: Munshi Nawal Kishor, Lucknow
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now