aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

har ek lamha tabiat pe bar hai, kya hai

Nikhat Barelvi

har ek lamha tabiat pe bar hai, kya hai

Nikhat Barelvi

MORE BYNikhat Barelvi

    har ek lamha tabī.at pe baar hai, kyā hai

    tumhārā ġham ki ġham-e-rozgār hai, kyā hai

    vo ham pe aaj bahut jalva-bār hai kyā hai

    ab is adā meñ adāvat hai, pyaar hai, kyā hai

    sitam to ye hai ki is ahd-e-jabr meñ bhī yahāñ

    malūl hai na koī be-qarār hai, kyā hai

    hazār rañg-ba-dāmāñ sahī magar duniyā

    bas ek silsila-e-etibār hai, kyā hai

    fazā chaman hai aisī ki kuchh nahīñ khultā

    ḳhizāñ rut hai ki fasl-e-bahār hai, kyā hai

    sunā hai raat to kab guzar ga.ī lekin

    hameñ sahar abhī intizār hai, kyā hai

    chaman hamārā hai lekin chaman hamārā nahīñ

    na bebasī na koī iḳhtiyār hai, kyā hai

    batā.e jaate haiñ unvāñ na.e na.e 'nik.hat'

    magar tamāsha vahī vahī baar baar hai, kyā hai

    har ek lamha tabiat pe bar hai, kya hai

    tumhaara gham ki gham-e-rozgar hai, kya hai

    wo hum pe aaj bahut jalwa-bar hai kya hai

    ab is ada mein adawat hai, pyar hai, kya hai

    sitam to ye hai ki is ahd-e-jabr mein bhi yahan

    malul hai na koi be-qarar hai, kya hai

    hazar rang-ba-daman sahi magar duniya

    bas ek silsila-e-etibar hai, kya hai

    faza chaman ki hai aisi ki kuchh nahin khulta

    KHizan ki rut hai ki fasl-e-bahaar hai, kya hai

    suna hai raat to kab ki guzar gai lekin

    hamein sahar ka abhi intizar hai, kya hai

    chaman hamara hai lekin chaman hamara nahin

    na bebasi na koi iKHtiyar hai, kya hai

    batae jate hain unwan nae nae 'nikhat'

    magar tamasha wahi wahi bar bar hai, kya hai

    Source:

    Funoon (Monthly) (Pg. 307)

    • Author: Ahmad Nadeem Qasmi
      • Edition: Edition Nov. Dec. 1985,Issue No. 23
      • Publisher: 4 Maklood Road, Lahore
      • Year of Publication: Edition Nov. Dec. 1985,Issue No. 23
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now