jazba-e-ishq phir machalta hai
jazba-e-ishq phir machaltā hai
Dhalte Dhalte ye chāñd Dhaltā hai
pūchhtī phir rahī hai os abhī
phuul kab pairahan badaltā hai
maiñ to chaltā huuñ terī yaad ke saath
rāsta mere saath chaltā hai
tere āñgan meñ shab utartī hai
terī khiḌkī se din nikaltā hai
ḳhushbueñ ḳhushbuoñ se miltī haiñ
kis liye phuul haath maltā hai
laakh nāzuk sahāre hoñ lekin
girne vaalā kahāñ sañbhaltā hai
ārzūoñ kī fasl dil meñ hai
chashma āñkhoñ se kyuuñ ubaltā hai
ham jhulas to rahe haiñ ai jānāñ
terā sūraj bhī to pighaltā hai
raa.e ham ko badalnī paḌtī hai
vaqt kab faisla badaltā hai
jazba-e-ishq phir machalta hai
Dhalte Dhalte ye chand Dhalta hai
puchhti phir rahi hai os abhi
phul kab pairahan badalta hai
main to chalta hun teri yaad ke sath
rasta mere sath chalta hai
tere aangan mein shab utarti hai
teri khiDki se din nikalta hai
KHushbuen KHushbuon se milti hain
kis liye phul hath malta hai
lakh nazuk sahaare hon lekin
girne wala kahan sanbhalta hai
aarzuon ki fasl dil mein hai
chashma aankhon se kyun ubalta hai
hum jhulas to rahe hain ai jaanan
tera suraj bhi to pighalta hai
rae hum ko badalni paDti hai
waqt kab faisla badalta hai
Source:
Beesveen Sadi Ki Behtareen Ishqiya Ghazlen (Pg. 188)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
