kya parinde lauT kar aae nahin

kyā parinde lauT kar aa.e nahīñ

vo kisī āvāz par aa.e nahīñ

shaam se hī fikr gahrī ho ga.ī

shahr se jab log ghar aa.e nahīñ

suune suune hī khaḌe haiñ sab shajar

ab talak to kuchh samar aa.e nahīñ

ab ke vo aise safar par kyā ga.e

phir dobāra lauT kar aa.e nahīñ

uḌ ga.e taa.ir bulātā maiñ rahā

vo mirī dīvār par aa.e nahīñ

kya parinde lauT kar aae nahin

wo kisi aawaz par aae nahin

sham se hi fikr gahri ho gai

shahr se jab log ghar aae nahin

sune sune hi khaDe hain sab shajar

ab talak to kuchh samar aae nahin

ab ke wo aise safar par kya gae

phir dobara lauT kar aae nahin

uD gae tair bulata main raha

wo meri diwar par aae nahin