aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tajdid-e-riwayat-e-kuhan karte rahenge

Abul Mujahid Zahid

tajdid-e-riwayat-e-kuhan karte rahenge

Abul Mujahid Zahid

MORE BYAbul Mujahid Zahid

    tajdīd-e-rivāyāt-e-kuhan karte raheñge

    sar mārka-e-dār-o-rasan karte raheñge

    vo daur-e-ḳhizāñ ho ki bahāroñ zamāna

    ham yaad tujhe jān-e-chaman karte raheñge

    rangīn tire zikr se ham she'r o suḳhan ko

    ai jān-e-suḳhan markaz-e-fan karte raheñge

    is ābla-pā.ī pe bhī ham terī talab meñ

    tai jāda-e-ālām-o-mehan karte raheñge

    duniyā hameñ dīvāna samajhtī hai to samjhe

    ham 'aam ġham-e-dil chalan karte raheñge

    jalte haiñ jise sun ke añdhere ke parastār

    ham 'aam vahī tarz-e-suḳhan karte raheñge

    gulshan meñ na ham hoñge to phir sog hamārā

    gul-pairahan o ġhuncha-dahan karte raheñge

    'zāhid' be-tāqāzā-e-vafā tarah-e-yaqīn par

    ham koshish-e-tāmīr-e-vatan karte raheñge

    tajdid-e-riwayat-e-kuhan karte rahenge

    sar marka-e-dar-o-rasan karte rahenge

    wo daur-e-KHizan ho ki bahaaron ka zamana

    hum yaad tujhe jaan-e-chaman karte rahenge

    rangin tere zikr se hum she'r o suKHan ko

    ai jaan-e-suKHan markaz-e-fan karte rahenge

    is aabla-pai pe bhi hum teri talab mein

    tai jada-e-alam-o-mehan karte rahenge

    duniya hamein diwana samajhti hai to samjhe

    hum 'am gham-e-dil ka chalan karte rahenge

    jalte hain jise sun ke andhere ke parastar

    hum 'am wahi tarz-e-suKHan karte rahenge

    gulshan mein na hum honge to phir sog hamara

    gul-pairahan o ghuncha-dahan karte rahenge

    'zahid' be-taqaza-e-wafa tarah-e-yaqin par

    hum koshish-e-tamir-e-watan karte rahenge

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now