us ka pichha na kiya humne sadaon ki tarah

us kā pīchhā na kiyā ham ne sadāoñ kī tarah

aa ga.e lauT ke nākām duāoñ kī tarah

tere dāman se lipaTtā huuñ to miltā hai sukūñ

maiñ huuñ ai dost pareshān havāoñ kī tarah

dil ka.ī saal se marghaT kī tarah suunā hai

ham ka.ī saal se raushan haiñ chitāoñ kī tarah

dasht-e-iḳhlās meñ miltā hai bahar-hāl sukūñ

ġham bhī siine se lagā lete haiñ maaoñ kī tarah

aur phir ham bhī ujāloñ ko mayassar na hue

pyaar kā shahr thā tārīk guphāoñ kī tarah

mere chehre pe haqīqat kī lakīreñ haiñ 'aqīl'

log paḌhte haiñ mujhe saty kathāoñ kī tarah

us ka pichha na kiya hum ne sadaon ki tarah

aa gae lauT ke nakaam duaon ki tarah

tere daman se lipaTta hun to milta hai sukun

main hun ai dost pareshan hawaon ki tarah

dil kai sal se marghaT ki tarah suna hai

hum kai sal se raushan hain chitaon ki tarah

dasht-e-iKHlas mein milta hai bahar-haal sukun

gham bhi sine se laga lete hain maon ki tarah

aur phir hum bhi ujalon ko mayassar na hue

pyar ka shahr tha tarik guphaon ki tarah

mere chehre pe haqiqat ki lakiren hain 'aqil'

log paDhte hain mujhe saty kathaon ki tarah