yahi nahin koi tufan meri talash mein hai
yahī nahīñ koī tūfāñ mirī talāsh meñ hai
ki mausam-e-ġham-e-jānāñ mirī talāsh meñ hai
visāl-rut hai magar dil ko aisā lagtā hai
sitāra-e-shab-e-hijrāñ mirī talāsh meñ hai
maiñ faisle kī ghaḌī se guzar chukī huuñ magar
kisī kā dīda-e-hairāñ mirī talāsh meñ hai
ye be-yaqīn sī āsūdgī batātī hai
ki ek qarya-e-vīrāñ mirī talāsh meñ hai
maiñ tīrgī meñ mohabbat kī ik kahānī huuñ
muuī charāġh sā unvāñ mirī talāsh meñ hai
ye kaisā ḳhvāb thā dhaḌkā sā lag gayā dil ko
ki ek shaḳhs pareshāñ mirī talāsh meñ hai
yahi nahin koi tufan meri talash mein hai
ki mausam-e-gham-e-jaanan meri talash mein hai
visal-rut hai magar dil ko aisa lagta hai
sitara-e-shab-e-hijran meri talash mein hai
main faisle ki ghaDi se guzar chuki hun magar
kisi ka dida-e-hairan meri talash mein hai
ye be-yaqin si aasudgi batati hai
ki ek qarya-e-viran meri talash mein hai
main tirgi mein mohabbat ki ek kahani hun
mui charagh sa unwan meri talash mein hai
ye kaisa KHwab tha dhaDka sa lag gaya dil ko
ki ek shaKHs pareshan meri talash mein hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
