patā miltā nahīñ us be-nishāñ kā

liye phirtā hai qāsid jā-ba-jā ḳhat

pata milta nahin us be-nishan ka

liye phirta hai qasid ja-ba-ja KHat

zāhidā ka.abe ko jaatā hai to kar yād-e-ḳhudā

phir jahāzoñ meñ ḳhayāl-e-nā-ḳhudā kartā hai kyuuñ

zahida kabe ko jata hai to kar yaad-e-KHuda

phir jahazon mein KHayal-e-na-KHuda karta hai kyun

hai musalmāñ ko hamesha āb-e-zamzam kī talāsh

aur har ik barhaman gañg-o-jaman meñ mast hai

hai musalman ko hamesha aab-e-zamzam ki talash

aur har ek barhaman gang-o-jaman mein mast hai

nahīñ duniyā meñ āzādī kisī ko

hai din meñ shams aur shab ko qamar band

nahin duniya mein aazadi kisi ko

hai din mein shams aur shab ko qamar band

zāhirī va.az se hai kyā hāsil

apne bātin ko saaf kar vaa.iz

zahiri waz se hai kya hasil

apne baatin ko saf kar waiz

DhūñDh kar dil meñ nikālā tujh ko yaar

tū ne ab mehnat mirī be-kār kī

DhunDh kar dil mein nikala tujh ko yar

tu ne ab mehnat meri be-kar ki

maiñ barhaman o shaiḳh kī takrār se samjhā

paayā nahīñ us yaar ko jhunjhlā.e hue haiñ

main barhaman o shaiKH ki takrar se samjha

paya nahin us yar ko jhunjhlae hue hain

nahīñ but-ḳhāna o ka.aba pe mauqūf

huā har ek patthar meñ sharar band

nahin but-KHana o kaba pe mauquf

hua har ek patthar mein sharar band

kahtā hai yaar jurm kī paate ho tum sazā

insāf agar nahīñ hai to be-dād bhī nahīñ

kahta hai yar jurm ki pate ho tum saza

insaf agar nahin hai to be-dad bhi nahin

jā-ba-jā ham ko rahī jalva-e-jānāñ kī talāsh

dair-o-ka.aba meñ phire sohbat-e-rahbāñ meñ rahe

ja-ba-ja hum ko rahi jalwa-e-jaanan ki talash

dair-o-kaba mein phire sohbat-e-rahban mein rahe

rishta-e-ulfat rag-e-jāñ meñ butoñ kā paḌ gayā

ab ba-zāhir shaġhl hai zunnār kā fe.al-e-abas

rishta-e-ulfat rag-e-jaan mein buton ka paD gaya

ab ba-zahir shaghl hai zunnar ka feal-e-abas

ishq meñ dil se ham hue mahv tumhāre ai buto

ḳhālī haiñ chashm-o-dil karo in meñ guzar kisī tarah

ishq mein dil se hum hue mahw tumhaare ai buto

KHali hain chashm-o-dil karo in mein guzar kisi tarah