bolīñ ki kaam karne kī ḳhūgar nahīñ huuñ maiñ

biivī huuñ aap kī koī shauhar nahīñ huuñ maiñ

bolin ki kaam karne ki KHugar nahin hun main

biwi hun aap ki koi shauhar nahin hun main

chāhte to the mire aġhyār tū paidā na ho

phir bhī ye himmat hai terī tū agar paidā huā

chahte to the mere aghyar tu paida na ho

phir bhi ye himmat hai teri tu agar paida hua

facebōk hī āj-kal chaupāl hai

chauk par milte kahāñ haiñ chaar dost

facebook hi aaj-kal chaupal hai

chauk par milte kahan hain chaar dost

khānā khulne kā hī elaan agar farmā deñ

ham ye samjheñge ki taqrīr-e-sadārat baḳhshī

khana khulne ka hi elan agar farma den

hum ye samjhenge ki taqrir-e-sadarat baKHshi

mumkin nahīñ ġhazab se bacheñ ham janāb ke

bālishtiyoñ ko bhī na agar sarv sā likheñ

mumkin nahin ghazab se bachen hum janab ke

baalishtiyon ko bhi na agar sarw sa likhen