aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

اب تو گھبرا کے یہ کہتے ہیں کہ مر جائیں گے

شیخ ابراہیم ذوقؔ

اب تو گھبرا کے یہ کہتے ہیں کہ مر جائیں گے

شیخ ابراہیم ذوقؔ

MORE BYشیخ ابراہیم ذوقؔ

    اب تو گھبرا کے یہ کہتے ہیں کہ مر جائیں گے

    مر کے بھی چین نہ پایا تو کدھر جائیں گے

    تم نے ٹھہرائی اگر غیر کے گھر جانے کی

    تو ارادے یہاں کچھ اور ٹھہر جائیں گے

    خالی اے چارہ گرو ہوں گے بہت مرہم داں

    پر مرے زخم نہیں ایسے کہ بھر جائیں گے

    پہنچیں گے رہ گزر یار تلک کیوں کر ہم

    پہلے جب تک نہ دو عالم سے گزر جائیں گے

    شعلۂ آہ کو بجلی کی طرح چمکاؤں

    پر مجھے ڈر ہے کہ وہ دیکھ کے ڈر جائیں گے

    ہم نہیں وہ جو کریں خون کا دعویٰ تجھ پر

    بلکہ پوچھے گا خدا بھی تو مکر جائیں گے

    آگ دوزخ کی بھی ہو جائے گی پانی پانی

    جب یہ عاصی عرق شرم سے تر جائیں گے

    نہیں پائے گا نشاں کوئی ہمارا ہرگز

    ہم جہاں سے روش تیر نظر جائیں گے

    سامنے چشم گہر بار کے کہہ دو دریا

    چڑھ کے گر آئے تو نظروں سے اتر جائیں گے

    لائے جو مست ہیں تربت پہ گلابی آنکھیں

    اور اگر کچھ نہیں دو پھول تو دھر جائیں گے

    رخ روشن سے نقاب اپنے الٹ دیکھو تم

    مہر و مہ نظروں سے یاروں کی اتر جائیں گے

    ہم بھی دیکھیں گے کوئی اہل نظر ہے کہ نہیں

    یاں سے جب ہم روش تیر نظر جائیں گے

    ذوقؔ جو مدرسے کے بگڑے ہوئے ہیں ملا

    ان کو مے خانے میں لے آؤ سنور جائیں گے

    ویڈیو
    This video is playing from YouTube

    Videos
    This video is playing from YouTube

    نامعلوم

    نامعلوم

    سدیپ بنرجی

    سدیپ بنرجی

    ٹینا ثانی

    ٹینا ثانی

    RECITATIONS

    نعمان شوق

    نعمان شوق,

    نعمان شوق

    اب تو گھبرا کے یہ کہتے ہیں کہ مر جائیں گے نعمان شوق

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے