humne hi lauTne ka irada nahin kiya
ham ne hī lauTne kā irāda nahīñ kiyā
us ne bhī bhuul jaane kā va.ada nahīñ kiyā
dukh oḌhte nahīñ kabhī bazm-e-tarab meñ ham
malbūs-e-dil ko tan kā labāda nahīñ kiyā
jo ġham milā hai bojh uThāyā hai us kā ḳhud
sar zer-e-bār-e-sāġhar-o-bāda nahīñ kiyā
kār-e-jahāñ hameñ bhī bahut the safar kī shaam
us ne bhī iltifāt ziyāda nahīñ kiyā
aamad pe terī itr o charāġh o subū na hoñ
itnā bhī būd-o-bāsh ko saada nahīñ kiyā
hum ne hi lauTne ka irada nahin kiya
us ne bhi bhul jaane ka wada nahin kiya
dukh oDhte nahin kabhi bazm-e-tarab mein hum
malbus-e-dil ko tan ka labaada nahin kiya
jo gham mila hai bojh uThaya hai us ka KHud
sar zer-e-bar-e-saghar-o-baada nahin kiya
kar-e-jahan hamein bhi bahut the safar ki sham
us ne bhi iltifat ziyaada nahin kiya
aamad pe teri itr o charagh o subu na hon
itna bhi bud-o-bash ko sada nahin kiya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
