insani darinde aur is aasani se mar jaen

insānī darinde aur is āsānī se mar jaa.eñ

ye sochne baiTheñ to pareshānī se mar jaa.eñ

vo jin ko mayassar thī har ik chīz-e-digar bhī

mumkin hai suhūlat kī farāvānī se mar jaa.eñ

kashtī pe the kashtī ko jalāte hue hazrāt

ab aag se bach jaa.eñ bhale paanī se mar jaa.eñ

ā.īne kā ye kaun sā session hai hameñ kyā

dīvār ko takte hue hairānī se mar jaa.eñ

'bābar' koī jazbātī kronoñ se ye pūchhe

kis khāte meñ ham aap kī nādānī se mar jaa.eñ

ai dost mukammal nazar-andāz hī kar dekh

aisā na ho ham niim nigahbānī se mar jaa.eñ

bach jaa.eñ to āḳhir kise kyā farq paḌegā

dushman na sahī dost pashemānī se mar jaa.eñ

āñkhoñ meñ utarte hue itrā.eñ sitāre

sūraj hoñ to jal kar tirī peshānī se mar jaa.eñ

rāñjhe ko to phir hiir kī tasvīr bahut hai

jī kartā thā lag kar usī marjānī se mar jaa.eñ

insani darinde aur is aasani se mar jaen

ye sochne baiThen to pareshani se mar jaen

wo jin ko mayassar thi har ek chiz-e-digar bhi

mumkin hai suhulat ki farawani se mar jaen

kashti pe the kashti ko jalate hue hazraat

ab aag se bach jaen bhale pani se mar jaen

aaine ka ye kaun sa session hai hamein kya

diwar ko takte hue hairani se mar jaen

'babar' koi jazbaati kronon se ye puchhe

kis khate mein hum aap ki nadani se mar jaen

ai dost mukammal nazar-andaz hi kar dekh

aisa na ho hum nim nigahbani se mar jaen

bach jaen to aaKHir kise kya farq paDega

dushman na sahi dost pashemani se mar jaen

aankhon mein utarte hue itraen sitare

suraj hon to jal kar teri peshani se mar jaen

ranjhe ko to phir hir ki taswir bahut hai

ji karta tha lag kar usi marjaani se mar jaen