himaqaton ko mohabbat ki dastan kar len

himāqatoñ ko mohabbat kī dāstāñ kar leñ

zamīñ ko jis ghaḌī chāheñ ham āsmāñ kar leñ

paḌhā rahe haiñ jo bachchoñ ko un javānoñ se

ye iltijā hai ki sab paan kī dukāñ kar leñ

tire huzūr meñ kahnā agar zarūrī ho

vo kis taraf se kaheñ band jo dahāñ kar leñ

jo haañ kaheñ to sarāpā ḳharāb ho jaa.e

nahīñ kahīñ to hazāroñ ko bad-gumāñ kar leñ

javān ghar meñ buḌhāpe ko kyoñ karūñ bardāsht

Thikānā apnā kahīñ aur baap maañ kar leñ

rahegā apne sar ilzām-e-sar-kashī 'pāpā'

hazār jhuk ke ham apnī kamar kamāñ kar leñ

himaqaton ko mohabbat ki dastan kar len

zamin ko jis ghaDi chahen hum aasman kar len

paDha rahe hain jo bachchon ko un jawanon se

ye iltija hai ki sab pan ki dukan kar len

tere huzur mein kahna agar zaruri ho

wo kis taraf se kahen band jo dahan kar len

jo han kahen to sarapa KHarab ho jae

nahin kahin to hazaron ko bad-guman kar len

jawan ghar mein buDhape ko kyon karun bardasht

Thikana apna kahin aur bap man kar len

rahega apne sar ilzam-e-sar-kashi 'papa'

hazar jhuk ke hum apni kamar kaman kar len