aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tegh-e-abru se war karta hai

Mohammad Yusuf Papa

tegh-e-abru se war karta hai

Mohammad Yusuf Papa

MORE BYMohammad Yusuf Papa

    teġh-e-abrū se vaar kartā hai

    phir vo lāsheñ shumār kartā hai

    pahle va.ada vo yaar kartā hai

    phir bahāne hazār kartā hai

    jab vo mujh se dulār kartā hai

    tang lail-o-nahār kartā hai

    vo mohabbat ke len-den meñ bhī

    ārzūeñ udhār kartā hai

    pahle ghar se nikāltā hai vo

    aur phir intizār kartā hai

    yuuñ to kartā hai har koī kuchh aur

    vo samajhte haiñ pyaar kartā hai

    ahl-e-urdu jahāñ pe ġhaur kareñ

    hindī vaalā bichār kartā hai

    vo mirā yaar apnī illat ko

    mere sar par savār kartā hai

    kyā bañdhā vo amiir laḌkī se

    rāt-bhar car car kartā hai

    fā.elātun mafā.elun felun

    kyoñ miyāñ bār-bār kartā hai

    terā 'pāpā' aruuz ke badle

    ek do tiin chaar kartā hai

    tegh-e-abru se war karta hai

    phir wo lashen shumar karta hai

    pahle wada wo yar karta hai

    phir bahane hazar karta hai

    jab wo mujh se dular karta hai

    tang lail-o-nahaar karta hai

    wo mohabbat ke len-den mein bhi

    aarzuen udhaar karta hai

    pahle ghar se nikalta hai wo

    aur phir intizar karta hai

    yun to karta hai har koi kuchh aur

    wo samajhte hain pyar karta hai

    ahl-e-urdu jahan pe ghaur karen

    hindi wala bichaar karta hai

    wo mera yar apni illat ko

    mere sar par sawar karta hai

    kya bandha wo amir laDki se

    raat-bhar car car karta hai

    faelatun mafaelun felun

    kyon miyan bar-bar karta hai

    tera 'papa' aruz ke badle

    ek do tin chaar karta hai

    Source:

    Deewar-e-Qehqaha (Pg. 25)

    • Author: Mohammad Yusuf Papa
      • Publisher: Nai Awaz Jamia Nagar, New Delhi
      • Year of Publication: 1982

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now