aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mujhe nahin hai koi wahm apne bare mein

Iqbal Sajid

mujhe nahin hai koi wahm apne bare mein

Iqbal Sajid

MORE BYIqbal Sajid

    mujhe nahīñ hai koī vahm apne baare meñ

    bharo na had se ziyāda havā ġhubāre meñ

    tamāshā ḳhatm huā dhuup ke madārī

    sunahrī saañp chhupe shaam ke piTāre meñ

    jise maiñ dekh chukā us ko log kyuuñ dekheñ

    na chhoḌī koī bhī baaqī kashish nazāre meñ

    vo boltā thā magar lab nahīñ hilātā thā

    ishāra kartā thā jumbish na thī ishāre meñ

    tamām log gharoñ chhatoñ pe aa jaa.eñ

    baḌī kashish hai na.e chāñd ke nazāre meñ

    mile mujhe bhī agar koī shaam fursat

    maiñ kyā huuñ kaun huuñ sochūñgā apne baare meñ

    purānī samt muḌegā na koī bhī 'sājid'

    ye ahd-e-nau na bahegā qadīm dhāre meñ

    mujhe nahin hai koi wahm apne bare mein

    bharo na had se ziyaada hawa ghubare mein

    tamasha KHatm hua dhup ke madari ka

    sunahri sanp chhupe sham ke piTare mein

    jise main dekh chuka us ko log kyun dekhen

    na chhoDi koi bhi baqi kashish nazare mein

    wo bolta tha magar lab nahin hilata tha

    ishaara karta tha jumbish na thi ishaare mein

    tamam log gharon ki chhaton pe aa jaen

    baDi kashish hai nae chand ke nazare mein

    mile mujhe bhi agar koi sham fursat ki

    main kya hun kaun hun sochunga apne bare mein

    purani samt muDega na koi bhi 'sajid'

    ye ahd-e-nau na bahega qadim dhaare mein

    Source:

    kulliyat-e-iqbaal saajid (Pg. 271)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now