sitare hi sirf raston mein na kho rahe the

sitāre hī sirf rāstoñ meñ na kho rahe the

charāġh aur chāñd bhī gale mil ke ro rahe the

nigāh aise meñ ḳhaak pahchāntī kisī ko

ġhubār aisā thā aa.ine aks kho rahe the

kisī bayābāñ meñ dhuup rasta bhaTak ga.ī thī

kisī bhulāve meñ aa ke sab peḌ so rahe the

na ranj-e-hijrat thā aur na shauq-e-safar thā dil meñ

sab apne apne gunāh kā bojh Dho rahe the

'jamāl' us vaqt koī mujh se bichhaḌ rahā thā

zamīn aur āsmān jab ek ho rahe the

sitare hi sirf raston mein na kho rahe the

charagh aur chand bhi gale mil ke ro rahe the

nigah aise mein KHak pahchanti kisi ko

ghubar aisa tha aaine aks kho rahe the

kisi bayaban mein dhup rasta bhaTak gai thi

kisi bhulawe mein aa ke sab peD so rahe the

na ranj-e-hijrat tha aur na shauq-e-safar tha dil mein

sab apne apne gunah ka bojh Dho rahe the

'jamal' us waqt koi mujh se bichhaD raha tha

zamin aur aasman jab ek ho rahe the