tumhaara hath jab mere larazte hath se chhuTa KHizan ke aaKHiri din the

tumhārā haath jab mere larazte haath se chhūTā ḳhizāñ ke āḳhirī din the

vo mohkam be-lachak va.ada khilaune kī tarah TuuTā ḳhizāñ ke āḳhirī din the

bahār aa.ī na thī lekin havāoñ meñ na.e mausam kī ḳhushbū raqs kartī thī

achānak jab kahā tum ne mire muñh par mujhe jhūTā ḳhizāñ ke āḳhirī din the

vo kyā din the yahīñ ham ne bahāroñ kī duā kī thī kisī ne bhī nahīñ sochā

chaman vāloñ ne mil kar jab ḳhud apnā hī chaman luuTā ḳhizāñ ke āḳhirī din the

likhā thā ek taḳhtī par koī bhī phuul mat toḌe magar āñdhī to an-paḌh thī

so jab vo baaġh se guzrī koī ukhḌā koī TuuTā ḳhizāñ ke āḳhirī din the

bahut hī zor se piiTe havā ke bain par siine hamāre ḳhair-ḳhvāhoñ ne

ki chāñdī ke varaq jaisā samay ne jab hameñ kuuTā ḳhizāñ ke āḳhirī din the

na rut thī āñdhiyoñ kī ye na mausam thā havāoñ kā to phir ye kyā huā 'amjad'

har ik koñpal huī zaḳhmī huā majrūh har buuTā ḳhizāñ ke āḳhirī din the

tumhaara hath jab mere larazte hath se chhuTa KHizan ke aaKHiri din the

wo mohkam be-lachak wada khilaune ki tarah TuTa KHizan ke aaKHiri din the

bahaar aai na thi lekin hawaon mein nae mausam ki KHushbu raqs karti thi

achanak jab kaha tum ne mere munh par mujhe jhuTa KHizan ke aaKHiri din the

wo kya din the yahin hum ne bahaaron ki dua ki thi kisi ne bhi nahin socha

chaman walon ne mil kar jab KHud apna hi chaman luTa KHizan ke aaKHiri din the

likha tha ek taKHti par koi bhi phul mat toDe magar aandhi to an-paDh thi

so jab wo bagh se guzri koi ukhDa koi TuTa KHizan ke aaKHiri din the

bahut hi zor se piTe hawa ke bain par sine hamare KHair-KHwahon ne

ki chandi ke waraq jaisa samay ne jab hamein kuTa KHizan ke aaKHiri din the

na rut thi aandhiyon ki ye na mausam tha hawaon ka to phir ye kya hua 'amjad'

har ek konpal hui zaKHmi hua majruh har buTa KHizan ke aaKHiri din the