aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

cricket match

Saghar Khayyami

cricket match

Saghar Khayyami

MORE BYSaghar Khayyami

    bezār ho ga.e the jo shā.er hayāt se

    cricket match khel liyā shā.erāt se

    vāqif na the jo dosto! aurat zaat se

    chauke lagā rahe the ḳhayāloñ meñ raat se

    aa.ī jo sub.h shaam ke naqshe bigaḌ ga.e

    sarroñ se ham ġharīboñ ke stump ukhaḌ ga.e

    nāz-o-adā o husn ne jaadū jagā diye

    pahle to opner ke chhake chhuḌā diye

    one-down pe jo aa.e to stump uḌā diye

    rāh-e-farār ke bhī to raste bhulā diye

    go catch very-low thā magar be-dhaḌak liyā

    ik mohtaram ko ik ne galī meñ lapak liyā

    kyā kyā bayān kījiye ik ik bāñkpan

    jalva-figan zamīñ pe thī tāroñ anjuman

    husn-o-shabāb o ishq se bharpūr har badan

    shā.er pavilion meñ the pahne hue kafan

    jitnī thiiñ beautiful vo slip par galī pe thiiñ

    jitnī thiiñ over-age sabhī baundary pe thiiñ

    pariyoñ ke jis tarah se pare koh-qāf par

    ik long-on par thī to ik long-off par

    ik thī cover meñ ek hasīna mid-off par

    jo short-pīch thī geñd vo aatī thī naaf par

    Thahre na vo crease pe jo the baḌe baḌe

    mujh jaise tīm-tām to wicketoñ pe phaT paḌe

    vo laal geñd phuul ho jaise gulāb

    jis tarah dast-e-nāz meñ sāġhar sharāb

    saaya havā meñ nāchtā thā āftāb

    bumper meñ saarā zor thā husn-o-shabāb

    aise bhī apne ishq maidāñ banāte the

    empire har apeal par uñglī uThāte the

    jab ball pheñktī thī vo gesū sañvār ke

    nazdīk aur hote the hālāt haar ke

    kahte the match dekhne vaale pukār ke

    ustād rahe haiñ shab-e-ġham guzār ke

    ustād kah rahe the ki phaTkār match par

    do do jhapaT rahī haiñ sharīfoñ ke catch par

    bezar ho gae the jo shaer hayat se

    cricket ka match khel liya shaeraat se

    waqif na the jo dosto! aurat ki zat se

    chauke laga rahe the KHayalon mein raat se

    aai jo subh sham ke naqshe bigaD gae

    sarron se hum gharibon ke stump ukhaD gae

    naz-o-ada o husn ne jadu jaga diye

    pahle to opner ke hi chhake chhuDa diye

    one-down pe jo aae to stump uDa diye

    rah-e-farar ke bhi to raste bhula diye

    go catch wery-low tha magar be-dhaDak liya

    ek mohtaram ko ek ne gali mein lapak liya

    kya kya bayan kijiye ek ek ka bankpan

    jalwa-figan zamin pe thi taron ki anjuman

    husn-o-shabab o ishq se bharpur har badan

    shaer pawilion mein the pahne hue kafan

    jitni thin beautiful wo slip par gali pe thin

    jitni thin ower-age sabhi baundary pe thin

    pariyon ke jis tarah se pare koh-qaf par

    ek long-on par thi to ek long-off par

    ek thi cower mein ek hasina mid-off par

    jo short-pich thi gend wo aati thi naf par

    Thahre na wo crease pe jo the baDe baDe

    mujh jaise tim-tam to wicketon pe phaT paDe

    wo lal gend phul ho jaise gulab ka

    jis tarah dast-e-naz mein saghar sharab ka

    saya hawa mein nachta tha aaftab ka

    bumper mein sara zor tha husn-o-shabab ka

    aise bhi apne ishq ka maidan banate the

    empire har apeal par ungli uThate the

    jab ball phenkti thi wo gesu sanwar ke

    nazdik aur hote the haalat haar ke

    kahte the match dekhne wale pukar ke

    ustad ja rahe hain shab-e-gham guzar ke

    ustad kah rahe the ki phaTkar match par

    do do jhapaT rahi hain sharifon ke catch par

    Source:

    kulliyat-e-saghar khyaamii (Pg. 233)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now