ai musavvir shitāb ho ki abhī

us kā naqsha dhiyān meñ kuchh hai

ai musawwir shitab ho ki abhi

us ka naqsha dhiyan mein kuchh hai

dil liyā tāb-o-tavāñ le chukā jaañ bhī le le

paak kar Daal bakheḌā ye sabhī jhanjhaT kā

dil liya tab-o-tawan le chuka jaan bhi le le

pak kar Dal bakheDa ye sabhi jhanjhaT ka

ham gunahgāroñ ke kyā ḳhuun kā phīkā thā rañg

mehñdī kis vāste hāthoñ pe rachā.ī pyāre

hum gunahgaron ke kya KHun ka phika tha rang

mehndi kis waste hathon pe rachai pyare

o atārid zuhal-e-nahis se Tuk maañg midād

baḳht kā mājrā likhtā huuñ siyāhī denā

o atarid zuhal-e-nahis se Tuk mang midad

baKHt ka majra likhta hun siyahi dena

suunī ga.ī meñ huī yaar se muDbheḌ aaj

pūchho koī kis liye muñh pe kar ojhal gayā

suni gai mein hui yar se muDbheD aaj

puchho koi kis liye munh pe kar ojhal gaya