kitne dil the jo ho ga.e patthar

kitne patthar the jo sanam Thahre

kitne dil the jo ho gae patthar

kitne patthar the jo sanam Thahre

bahār meñ bhī nahīñ koī shāḳh-e-gul mahfūz

chaman kā hasan hai muflis kī aabrū kī tarah

bahaar mein bhi nahin koi shaKH-e-gul mahfuz

chaman ka hasan hai muflis ki aabru ki tarah

khaḌe haiñ dost bhī dushman bhī ab ye kyā kahiye

kidhar se phuul mile haiñ kidhar se sang mile

khaDe hain dost bhi dushman bhi ab ye kya kahiye

kidhar se phul mile hain kidhar se sang mile

aaj hoñToñ pe yuuñ hañsī aa.ī

jis tarah koī sānehā guzre

aaj honTon pe yun hansi aai

jis tarah koi saneha guzre

is ik adā-e-mohabbat pe zindagī sadqe

gurez ham se hai lekin supurdagī kī tarah

is ek ada-e-mohabbat pe zindagi sadqe

gurez hum se hai lekin supurdagi ki tarah