Today's top 5 Urdu Shayari

kyuuñ pashemāñ ho agar va.ada vafā ho na sakā

kahīñ va.ade bhī nibhāne ke liye hote haiñ

kyun pasheman ho agar wada wafa ho na saka

kahin wade bhi nibhane ke liye hote hain

ḳhud ko bikharte dekhte haiñ kuchh kar nahīñ paate haiñ

phir bhī log ḳhudāoñ jaisī bāteñ karte haiñ

KHud ko bikharte dekhte hain kuchh kar nahin pate hain

phir bhi log KHudaon jaisi baaten karte hain

maiñ roz idhar se guzartā huuñ kaun dekhtā hai

maiñ jab idhar se na guzrūñgā kaun dekhegā

main roz idhar se guzarta hun kaun dekhta hai

main jab idhar se na guzrunga kaun dekhega

mire har amal ko sarāh kar ye aziyyateñ na diyā karo

mirī jaan tum bhī ajiib ho tumheñ rūThnā bhī to chāhiye

mere har amal ko sarah kar ye aziyyaten na diya karo

meri jaan tum bhi ajib ho tumhein ruThna bhi to chahiye

koī pāband-e-mohabbat hī batā saktā hai

ek dīvāne kā zanjīr se rishta kyā hai

koi paband-e-mohabbat hi bata sakta hai

ek diwane ka zanjir se rishta kya hai