Today's top 5 Urdu Shayari

duniyā meñ huuñ duniyā kā talabgār nahīñ huuñ

bāzār se guzrā huuñ ḳharīdār nahīñ huuñ

duniya mein hun duniya ka talabgar nahin hun

bazar se guzra hun KHaridar nahin hun

nahīñ duniyā ko jab parvā hamārī

to phir duniyā kī parvā kyuuñ kareñ ham

nahin duniya ko jab parwa hamari

to phir duniya ki parwa kyun karen hum

chale to paañv ke nīche kuchal ga.ī koī shai

nashe kī jhoñk meñ dekhā nahīñ ki duniyā hai

chale to panw ke niche kuchal gai koi shai

nashe ki jhonk mein dekha nahin ki duniya hai

tum zamāne kī raah se aa.e

varna sīdhā thā rāsta dil kā

tum zamane ki rah se aae

warna sidha tha rasta dil ka

ghar ke bāhar DhūñDhtā rahtā huuñ duniyā

ghar ke andar duniyā-dārī rahtī hai

ghar ke bahar DhunDhta rahta hun duniya

ghar ke andar duniya-dari rahti hai