Today's top 5 Urdu Shayari

baḌe tābāñ baḌe raushan sitāre TuuT jaate haiñ

sahar kī raah taknā tā sahar āsāñ nahīñ hotā

baDe taban baDe raushan sitare TuT jate hain

sahar ki rah takna ta sahar aasan nahin hota

chhoTī paḌtī hai anā kī chādar

paañv Dhaktā huuñ to sar khultā hai

chhoTi paDti hai ana ki chadar

panw Dhakta hun to sar khulta hai

yaad ā.eñge zamāne ko misāloñ ke liye

jaise bosīda kitābeñ hoñ havāloñ ke liye

yaad aaenge zamane ko misalon ke liye

jaise bosida kitaben hon hawalon ke liye

lo phir tire laboñ pe usī bevafā kā zikr

ahmad 'farāz' tujh se kahā na bahut huā

lo phir tere labon pe usi bewafa ka zikr

ahmad 'faraaz' tujh se kaha na bahut hua

safar meñ achānak sabhī ruk ga.e

ajab moḌ apnī kahānī meñ thā

safar mein achanak sabhi ruk gae

ajab moD apni kahani mein tha