aaj tak jo bhi hua usko bhula dena hai
aaj tak jo bhī huā us ko bhulā denā hai
aaj se tai hai ki dushman ko duā denā hai
aa mire yaar phir ik baar gale se lag jā
phir kabhī dekheñge kyā lenā hai kyā denā hai
aaj tak ham ne bahut zulm kiye haiñ ḳhud par
ahd karte haiñ ki ab ḳhud ko sazā denā hai
jism par jaan kā jo qarz chalā aatā hai
ab ke fasl aa.ī to vo qarz chukā denā hai
ab añdhere to bahut sar pe chaḌhe aate haiñ
ab charāġhoñ meñ lahū apnā jalā denā hai
aaj tak jo bhi hua us ko bhula dena hai
aaj se tai hai ki dushman ko dua dena hai
aa mere yar phir ek bar gale se lag ja
phir kabhi dekhenge kya lena hai kya dena hai
aaj tak hum ne bahut zulm kiye hain KHud par
ahd karte hain ki ab KHud ko saza dena hai
jism par jaan ka jo qarz chala aata hai
ab ke fasl aai to wo qarz chuka dena hai
ab andhere to bahut sar pe chaDhe aate hain
ab charaghon mein lahu apna jala dena hai
- Book : Karwaan-e-Ghazal (Pg. 311)
- Author : Farooq Argali
- Publication : Farid Book Depot (Pvt.) Ltd (2004)
- Edition : 2004
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
