aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aap mein kyunkar rahe koi ye saman dekh kar

Yagana Changezi

aap mein kyunkar rahe koi ye saman dekh kar

Yagana Changezi

MORE BYYagana Changezi

    aap meñ kyūñkar rahe koī ye sāmāñ dekh kar

    sham-e-ismat ko bharī mahfil meñ uryāñ dekh kar

    dil ko bahlāte ho kyā kyā ārzū-e-ḳhām se

    amr-e-nā-mumkin meñ goyā rañg-e-imkāñ dekh kar

    kyā ajab hai bhuul jaa.eñ ahl-e-dil apnā bhī dard

    husn-e-mastāna ko āḳhir meñ pashīmāñ dekh kar

    DhūñDte phirte ho ab TuuTe hue dil meñ panāh

    dard se ḳhālī dil-e-gabr-o-musalmāñ dekh kar

    dil jalā kar vādi-e-ġhurbat ko raushan kar chale

    ḳhuub sūjhī jalva-e-shām-e-ġharībāñ dekh kar

    imtiyāz-e-sūrat-o-ma.anī se begāna huā

    aa.ine ko aa.ina hairāñ ko hairāñ dekh kar

    pairahan meñ kyā samā saktā habāb-e-jāñ-ba-lab

    hasti-e-mauhūm ḳhvāb-e-pareshāñ dekh kar

    sabr karnā saḳht mushkil hai taḌapnā sahl hai

    apne bas kaam kar letā huuñ āsāñ dekh kar

    aur kyā hotī 'yagānā' dard-e-isyāñ davā

    kyā ġhazal yaad aa.ī vallāh fard-e-isyāñ dekh kar

    aap mein kyunkar rahe koi ye saman dekh kar

    sham-e-ismat ko bhari mahfil mein uryan dekh kar

    dil ko bahlate ho kya kya aarzu-e-KHam se

    amr-e-na-mumkin mein goya rang-e-imkan dekh kar

    kya ajab hai bhul jaen ahl-e-dil apna bhi dard

    husn-e-mastana ko aaKHir mein pashiman dekh kar

    DhunDte phirte ho ab TuTe hue dil mein panah

    dard se KHali dil-e-gabr-o-musalman dekh kar

    dil jala kar wadi-e-ghurbat ko raushan kar chale

    KHub sujhi jalwa-e-sham-e-ghariban dekh kar

    imtiyaz-e-surat-o-mani se begana hua

    aaine ko aaina hairan ko hairan dekh kar

    pairahan mein kya sama sakta habab-e-jaan-ba-lab

    hasti-e-mauhum ka KHwab-e-pareshan dekh kar

    sabr karna saKHt mushkil hai taDapna sahl hai

    apne bas ka kaam kar leta hun aasan dekh kar

    aur kya hoti 'yagana' dard-e-isyan ki dawa

    kya ghazal yaad aai wallah fard-e-isyan dekh kar

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now