ab ke baras honTon se mere tishna-labi bhi KHatm hui
ab ke baras hoñToñ se mere tishna-labī bhī ḳhatm hui
tujh se milne kī ai dariyā majbūrī bhī ḳhatm huī
kaisā pyaar kahāñ kī ulfat ishq kī baat to jaane do
mere liye ab us ke dil se hamdardī bhī ḳhatm huī
sāmne vaalī building meñ ab kaam hai bas ārā.ish kā
kal tak jo miltī thī hameñ vo mazdūrī bhī ḳhatm huī
jail se vāpas aa kar us ne pān.cho vaqt namāz paḌhī
muñh bhī band hue sab ke aur badnāmī bhī ḳhatm huī
jis kī jal-dhārā se bastī vaale jīvan paate the
rasta badalte hī naddī ke vo bastī bhī ḳhatm huī
ab ke baras honTon se mere tishna-labi bhi KHatm hui
tujh se milne ki ai dariya majburi bhi KHatm hui
kaisa pyar kahan ki ulfat ishq ki baat to jaane do
mere liye ab us ke dil se hamdardi bhi KHatm hui
samne wali building mein ab kaam hai bas aaraish ka
kal tak jo milti thi hamein wo mazduri bhi KHatm hui
jail se wapas aa kar us ne pancho waqt namaz paDhi
munh bhi band hue sab ke aur badnami bhi KHatm hui
jis ki jal-dhaara se basti wale jiwan pate the
rasta badalte hi naddi ke wo basti bhi KHatm hui
- Book : Kashkol (Pg. 66)
- Author : Tahir Faraz
- Publication : Isteara Publications (2004)
- Edition : 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
