abhi purani diwaren mat Dhane do
abhī purānī dīvāreñ mat Dhāne do
pahle mujh ko duniyā na.ī basāne do
oḌh liyā hai maiñ ne libādā shīshe kā
ab mujh ko kisī patthar se Takrāne do
paḌh ke haqā.eq kahīñ na andhā ho jā.ūñ
mujh ko ab ho sake to kuchh afsāne do
hai koī aisā jo duniyā se Takkar le
ham ko dekho ik ham haiñ dīvāne do
nahīñ chāhiye kuchh bhī ham durveshoñ ko
jis kā jo bhī kuchh hai use le jaane do
barsoñ se bichhḌā huā terā ġham 'pāshī'
aaj achānak milā hai gale lagāne do
abhi purani diwaren mat Dhane do
pahle mujh ko duniya nai basane do
oDh liya hai main ne libaada shishe ka
ab mujh ko kisi patthar se Takrane do
paDh ke haqaeq kahin na andha ho jaun
mujh ko ab ho sake to kuchh afsane do
hai koi aisa jo duniya se Takkar le
hum ko dekho ek hum hain diwane do
nahin chahiye kuchh bhi hum durweshon ko
jis ka jo bhi kuchh hai use le jaane do
barson se bichhDa hua tera gham 'pashi'
aaj achanak mila hai gale lagane do
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
