aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aks kis chiz ka aaina-e-hairat mein nahin

Asghar Gondvi

aks kis chiz ka aaina-e-hairat mein nahin

Asghar Gondvi

MORE BYAsghar Gondvi

    aks kis chiiz ā.īna-e-hairat meñ nahīñ

    terī sūrat meñ hai kyā jo merī sūrat meñ nahīñ

    donoñ aalam tirī nairañg adaa.ī ke nisār

    ab koī chiiz yahāñ jeb-e-mohabbat meñ nahīñ

    daulat-e-qurb ko ḳhāsān-e-mohabbat jāneñ

    chand ashkoñ ke sivā kuchh merī qismat meñ nahīñ

    log marte bhī haiñ jiite bhī haiñ betāb bhī haiñ

    kaun sehr tirī chashm-e-ināyat meñ nahīñ

    sab se ik tarz judā sab se ik āhang judā

    rañg mahfil meñ tirā jo hai vo ḳhalvat meñ nahīñ

    nashsha-e-ishq meñ har chiiz uḌī jaatī hai

    kaun zarra hai ki sarshār mohabbat meñ nahīñ

    dāva-e-dīd ġhalat dāva-e-irfāñ bhī ġhalat

    kuchh tajallī ke sivā chashm-e-basīrat meñ nahīñ

    ho ga.ī jam' matā-e-ġham-e-hirmāñ kyūñkar

    maiñ samajhtā thā koī parda-e-ġhaflat meñ nahīñ

    zarre zarre meñ kiyā josh-e-tarannum paidā

    ḳhud magar koī navā sāz-e-mohabbat meñ nahīñ

    najd samt se ye shor-e-anā-lailā kyuuñ

    shoḳhī-e-husn agar parda-e-vahshat meñ nahīñ

    aks kis chiz ka aaina-e-hairat mein nahin

    teri surat mein hai kya jo meri surat mein nahin

    donon aalam teri nairang adai ke nisar

    ab koi chiz yahan jeb-e-mohabbat mein nahin

    daulat-e-qurb ko KHasan-e-mohabbat jaanen

    chand ashkon ke siwa kuchh meri qismat mein nahin

    log marte bhi hain jite bhi hain betab bhi hain

    kaun sa sehr teri chashm-e-inayat mein nahin

    sab se ek tarz juda sab se ek aahang juda

    rang mahfil mein tera jo hai wo KHalwat mein nahin

    nashsha-e-ishq mein har chiz uDi jati hai

    kaun zarra hai ki sarshaar mohabbat mein nahin

    dawa-e-did ghalat dawa-e-irfan bhi ghalat

    kuchh tajalli ke siwa chashm-e-basirat mein nahin

    ho gai jam' mata-e-gham-e-hirman kyunkar

    main samajhta tha koi parda-e-ghaflat mein nahin

    zarre zarre mein kiya josh-e-tarannum paida

    KHud magar koi nawa saz-e-mohabbat mein nahin

    najd ki samt se ye shor-e-ana-laila kyun

    shoKHi-e-husn agar parda-e-wahshat mein nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now