apne khoe hue lamhat ko paya tha kabhi
Interesting Fact
Second sher was recited in a Hindi suspense thriller 'Gumnaam' based on Agatha Christie's novel 'And Then There Were None'.
apne kho.e hue lamhāt ko paayā thā kabhī
maiñ ne kuchh vaqt tire saath guzārā thā kabhī
aap ko mere ta.āruf kī zarūrat kyā hai
maiñ vahī huuñ ki jise aap ne chāhā thā kabhī
ab agar ashk umañDte haiñ to pī jaatā huuñ
hausla aap ke dāman ne baḌhāyā thā kabhī
ab usī giit kī lai soch rahī hai duniyā
maiñ ne jo giit tirī bazm meñ gaayā thā kabhī
merī ulfat ne kiyā ġhair ko maa.il varna
maiñ tirī anjuman-e-nāz meñ tanhā thā kabhī
kar diyā aap kī qurbat ne bahut duur mujhe
aap se buad kā ehsās na itnā thā kabhī
dost nādāñ ho to dushman se burā hotā hai
mujh ko apne dil-e-nādāñ pe bharosā thā kabhī
apne khoe hue lamhat ko paya tha kabhi
main ne kuchh waqt tere sath guzara tha kabhi
aap ko mere taaruf ki zarurat kya hai
main wahi hun ki jise aap ne chaha tha kabhi
ab agar ashk umanDte hain to pi jata hun
hausla aap ke daman ne baDhaya tha kabhi
ab usi git ki lai soch rahi hai duniya
main ne jo git teri bazm mein gaya tha kabhi
meri ulfat ne kiya ghair ko mail warna
main teri anjuman-e-naz mein tanha tha kabhi
kar diya aap ki qurbat ne bahut dur mujhe
aap se buad ka ehsas na itna tha kabhi
dost nadan ho to dushman se bura hota hai
mujh ko apne dil-e-nadan pe bharosa tha kabhi
- Book : paalkii kahkashaa.n (Pg. 207)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
