aql go aastan se dur nahin
Interesting Fact
(Bal-e-Jibril)
aql go āstāñ se duur nahīñ
us kī taqdīr meñ huzūr nahīñ
dil-e-bīnā bhī kar ḳhudā se talab
aañkh kā nuur dil kā nuur nahīñ
ilm meñ bhī surūr hai lekin
ye vo jannat hai jis meñ huur nahīñ
kyā ġhazab hai ki is zamāne meñ
ek bhī sāhib-e-surūr nahīñ
ik junūñ hai ki bā-shu.ūr bhī hai
ik junūñ hai ki bā-shu.ūr nahīñ
nā-subūrī hai zindagī dil kī
aah vo dil ki nā-subūr nahīñ
be-huzūrī hai terī maut kā raaz
zinda ho tū to be-huzūr nahīñ
har guhar ne sadaf ko toḌ diyā
tū hī āmāda-e-zuhūr nahīñ
arinī maiñ bhī kah rahā huuñ magar
ye hadīs-e-kalīm-o-tūr nahīñ
aql go aastan se dur nahin
us ki taqdir mein huzur nahin
dil-e-bina bhi kar KHuda se talab
aankh ka nur dil ka nur nahin
ilm mein bhi surur hai lekin
ye wo jannat hai jis mein hur nahin
kya ghazab hai ki is zamane mein
ek bhi sahib-e-surur nahin
ek junun hai ki ba-shuur bhi hai
ek junun hai ki ba-shuur nahin
na-suburi hai zindagi dil ki
aah wo dil ki na-subur nahin
be-huzuri hai teri maut ka raaz
zinda ho tu to be-huzur nahin
har guhar ne sadaf ko toD diya
tu hi aamada-e-zuhur nahin
arini main bhi kah raha hun magar
ye hadis-e-kalim-o-tur nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
