aur hoti meri ruswai nikharta aur kuchh
aur hotī merī rusvā.ī nikhartā aur kuchh
ġhaur kartā aur kuchh iz.hār kartā aur kuchh
yaar logoñ meñ sabaq bantī mirī āvārgī
sāneha is shahr meñ mujh par guzartā aur kuchh
in dinoñ diida bhī lagtā hai shunīda kī tarah
kaash harf o saut ke man meñ utartā aur kuchh
āḳhirī hichkī se dam TuuTā na nabz apnī rukī
tū agar hotā mire aage to martā aur kuchh
saañs lene bhī na paayā thā ki manzar gum huā
maiñ kisī qābil na thā varna Thahartā aur kuchh
nasrī nazmeñ kahne vaale to farishte haiñ tamām
mujh gunahgār-e-ġhazal par qahr utartā aur kuchh
be-takalluf is qadar thā qatl merā kar diyā
vo adū hotā to 'kāvish' mujh se Dartā aur kuchh
aur hoti meri ruswai nikharta aur kuchh
ghaur karta aur kuchh izhaar karta aur kuchh
yar logon mein sabaq banti meri aawargi
saneha is shahr mein mujh par guzarta aur kuchh
in dinon dida bhi lagta hai shunida ki tarah
kash harf o saut ke man mein utarta aur kuchh
aaKHiri hichki se dam TuTa na nabz apni ruki
tu agar hota mere aage to marta aur kuchh
sans lene bhi na paya tha ki manzar gum hua
main kisi qabil na tha warna Thaharta aur kuchh
nasri nazmen kahne wale to farishte hain tamam
mujh gunahgar-e-ghazal par qahr utarta aur kuchh
be-takalluf is qadar tha qatl mera kar diya
wo adu hota to 'kawish' mujh se Darta aur kuchh
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
