bahut dinon mein kahin raste badalte the

bahut dinoñ meñ kahīñ rāste badalte the

vo log kaise the jo saath saath chalte the

vo kār-gah na rahī aur na vo sifāl rahī

ḳhudā ke daur meñ kyā aadmī nikalte the

zarā se rizq meñ barkat bhī kitnī hotī thī

aur ik charāġh se kitne charāġh jalte the

guzārne kī vo sūrat qayām-e-ḳhvāb meñ thī

jahāñ se aur ka.ī rāste nikalte the

falak pe apnā baserā thā aur ham aksar

falak ke āḳhirī kone pe jā nikalte the

bahut dinon mein kahin raste badalte the

wo log kaise the jo sath sath chalte the

wo kar-gah na rahi aur na wo sifal rahi

KHuda ke daur mein kya aadmi nikalte the

zara se rizq mein barkat bhi kitni hoti thi

aur ek charagh se kitne charagh jalte the

guzarne ki wo surat qayam-e-KHwab mein thi

jahan se aur kai raste nikalte the

falak pe apna basera tha aur hum aksar

falak ke aaKHiri kone pe ja nikalte the