aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

bahut pahle se un qadmon ki aahaT jaan lete hain

Firaq Gorakhpuri

bahut pahle se un qadmon ki aahaT jaan lete hain

Firaq Gorakhpuri

MORE BYFiraq Gorakhpuri

    bahut pahle se un qadmoñ aahaT jaan lete haiñ

    tujhe ai zindagī ham duur se pahchān lete haiñ

    mirī nazreñ bhī aise qātiloñ jaan o īmāñ haiñ

    nigāheñ milte jo jaan aur īmān lete haiñ

    jise kahtī hai duniyā kāmyābī vaa.e nā-dānī

    use kin qīmatoñ par kāmyāb insān lete haiñ

    nigāh-e-bāda-gūñ yuuñ to tirī bātoñ kyā kahnā

    tirī har baat lekin ehtiyātan chhān lete haiñ

    tabī.at apnī ghabrātī hai jab sunsān rātoñ meñ

    ham aise meñ tirī yādoñ chādar taan lete haiñ

    ḳhud apnā faisla bhī ishq meñ kaafī nahīñ hotā

    use bhī kaise kar guzreñ jo dil meñ Thaan lete haiñ

    hayāt-e-ishq ik ik nafas jām-e-shahādat hai

    vo jān-e-nāz-bardārāñ koī āsān lete haiñ

    ham-āhañgī meñ bhī ik chāshnī hai iḳhtilāfoñ

    mirī bāteñ ba-unvān-e-digar vo maan lete haiñ

    tirī maqbūliyat vaj.h vāhid terī ramziyyat

    ki us ko mānte kab haiñ jis ko jaan lete haiñ

    ab is ko kufr māneñ bulandī-e-nazar jāneñ

    ḳhudā-e-do-jahāñ ko de ke ham insān lete haiñ

    jise sūrat batāte haiñ pata detī hai sīrat

    ibārat dekh kar jis tarah ma.anī jaan lete haiñ

    tujhe ghāTā na hone deñge kārobār-e-ulfat meñ

    ham apne sar tirā ai dost har ehsān lete haiñ

    hamārī har nazar tujh se na.ī saugandh khātī hai

    to terī har nazar se ham nayā paimān lete haiñ

    rafīq-e-zindagī thī ab anīs-e-vaqt-e-āḳhir hai

    tirā ai maut ham ye dūsrā ehsān lete haiñ

    zamāna vārdāt-e-qalb sunñe ko tarastā hai

    isī se to sar āñkhoñ par mirā dīvān lete haiñ

    'firāq' aksar badal kar bhes miltā hai koī kāfir

    kabhī ham jaan lete haiñ kabhī pahchān lete haiñ

    bahut pahle se un qadmon ki aahaT jaan lete hain

    tujhe ai zindagi hum dur se pahchan lete hain

    meri nazren bhi aise qatilon ka jaan o iman hain

    nigahen milte hi jo jaan aur iman lete hain

    jise kahti hai duniya kaamyabi wae na-dani

    use kin qimaton par kaamyab insan lete hain

    nigah-e-baada-gun yun to teri baaton ka kya kahna

    teri har baat lekin ehtiyatan chhan lete hain

    tabiat apni ghabraati hai jab sunsan raaton mein

    hum aise mein teri yaadon ki chadar tan lete hain

    KHud apna faisla bhi ishq mein kafi nahin hota

    use bhi kaise kar guzren jo dil mein Than lete hain

    hayat-e-ishq ka ek ek nafas jam-e-shahadat hai

    wo jaan-e-naz-bardaran koi aasan lete hain

    ham-ahangi mein bhi ek chashni hai iKHtilafon ki

    meri baaten ba-unwan-e-digar wo man lete hain

    teri maqbuliyat ki wajh wahid teri ramziyyat

    ki us ko mante hi kab hain jis ko jaan lete hain

    ab is ko kufr manen ya bulandi-e-nazar jaanen

    KHuda-e-do-jahan ko de ke hum insan lete hain

    jise surat batate hain pata deti hai sirat ka

    ibarat dekh kar jis tarah mani jaan lete hain

    tujhe ghaTa na hone denge karobar-e-ulfat mein

    hum apne sar tera ai dost har ehsan lete hain

    hamari har nazar tujh se nai saugandh khati hai

    to teri har nazar se hum naya paiman lete hain

    rafiq-e-zindagi thi ab anis-e-waqt-e-aKHir hai

    tera ai maut hum ye dusra ehsan lete hain

    zamana wardat-e-qalb sunne ko tarasta hai

    isi se to sar aankhon par mera diwan lete hain

    'firaq' aksar badal kar bhes milta hai koi kafir

    kabhi hum jaan lete hain kabhi pahchan lete hain

    Videos
    This video is playing from YouTube

    Videos
    This video is playing from YouTube

    Pratibha Baghel

    Pratibha Baghel

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now