be-had gham hain jin mein awwal umr guzar jaane ka gham

be-had ġham haiñ jin meñ avval umr guzar jaane kā ġham

har ḳhvāhish kā dhīre dhīre dil se utar jaane kā ġham

har tafsīl meñ jaane vaalā zehn savāl kī zad par hai

har tashrīh ke pīchhe hai anjām se Dar jaane kā ġham

jaane kab kis par khul jaa.e shahr-e-fanā kā darvāza

jaane kab kis ko aa ghere apne mar jaane kā ġham

ye jo bhiiḌ hai be-hāloñ kī dauḌ hai chand nivāloñ kī

nān-o-namak kā bojh liye jaldī se ghar jaane kā ġham

dariyā paar utarne vaale ye bhī jaan nahīñ paa.e

kise kināre par le Duubā paar utar jaane kā ġham

'azm' udāsī kā ye sahrā yuuñ qadmoñ se lipTā hai

jalne vāloñ ko mil jaa.e jaise Thahar jaane kā ġham

be-had gham hain jin mein awwal umr guzar jaane ka gham

har KHwahish ka dhire dhire dil se utar jaane ka gham

har tafsil mein jaane wala zehn sawal ki zad par hai

har tashrih ke pichhe hai anjam se Dar jaane ka gham

jaane kab kis par khul jae shahr-e-fana ka darwaza

jaane kab kis ko aa ghere apne mar jaane ka gham

ye jo bhiD hai be-haalon ki dauD hai chand niwalon ki

nan-o-namak ka bojh liye jaldi se ghar jaane ka gham

dariya par utarne wale ye bhi jaan nahin pae

kise kinare par le Duba par utar jaane ka gham

'azm' udasi ka ye sahra yun qadmon se lipTa hai

jalne walon ko mil jae jaise Thahar jaane ka gham