bhul jate hain taqaddus ke hasin pal kitne
bhuul jaate haiñ taqaddus ke hasīñ pal kitne
log jazbāt meñ ho jaate haiñ pāgal kitne
roz ḳhushbū ke muqaddar meñ rahī ḳhud-sozī
apnī hī aag meñ jalte rahe sandal kitne
sabz mausam na yahāñ phir se palaT kar aayā
ho ga.e zard mire gaañv ke pīpal kitne
ḳhud-kushī qatl-e-anā tark-e-tamannā bairāg
zindagī tere nazar aane lage hal kitne
bārisheñ hotī haiñ jis vaqt bharī āñkhoñ kī
raakh ho jaate haiñ jalte hue āñchal kitne
har qadam koī darinda koī ḳhūñḳhār uqaab
shahr kī god meñ ābād haiñ jangal kitne
be-ruḳhī us kī rulā.egī lahū kyā 'shabnam'
zaḳhm khāte hī rahe ham to musalsal kitne
bhul jate hain taqaddus ke hasin pal kitne
log jazbaat mein ho jate hain pagal kitne
roz KHushbu ke muqaddar mein rahi KHud-sozi
apni hi aag mein jalte rahe sandal kitne
sabz mausam na yahan phir se palaT kar aaya
ho gae zard mere ganw ke pipal kitne
KHud-kushi qatl-e-ana tark-e-tamanna bairag
zindagi tere nazar aane lage hal kitne
barishen hoti hain jis waqt bhari aankhon ki
rakh ho jate hain jalte hue aanchal kitne
har qadam koi darinda koi KHunKHar uqab
shahr ki god mein aabaad hain jangal kitne
be-ruKHi us ki rulaegi lahu kya 'shabnam'
zaKHm khate hi rahe hum to musalsal kitne
- Book : Mausam bhiigii aa.nkho.n kaa (Pg. 40)
- Author : Rafia Shabnam Abidi
- Publication : Hassan Publications, Mumbai (1985)
- Edition : 1985
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
