bhula hun main aalam ko sarshaar ise kahte hain

bhūlā huuñ maiñ aalam ko sarshār ise kahte haiñ

mastī meñ nahīñ ġhāfil hushyār ise kahte haiñ

gesū ise kahte haiñ ruḳhsār ise kahte haiñ

sumbul ise kahte haiñ gulzār ise kahte haiñ

ik rishta-e-ulfat meñ gardan hai hazāroñ kī

tasbīh ise kahte haiñ zunnār ise kahte haiñ

mahshar kā kiyā va.ada yaañ shakl na dikhlā.ī

iqrār ise kahte haiñ inkār ise kahte haiñ

Takrātā huuñ sar apnā kyā kyā dar-e-jānāñ se

jumbish bhī nahīñ kartī dīvār ise kahte haiñ

dil ne shab-e-furqat meñ kyā saath diyā merā

mūnis ise kahte haiñ ġham-ḳhvār ise kahte haiñ

ḳhāmosh 'amānat' hai kuchh uf bhī nahīñ kartā

kyā kyā nahīñ ai pyāre aġhyār ise kahte haiñ

bhula hun main aalam ko sarshaar ise kahte hain

masti mein nahin ghafil hushyar ise kahte hain

gesu ise kahte hain ruKHsar ise kahte hain

sumbul ise kahte hain gulzar ise kahte hain

ek rishta-e-ulfat mein gardan hai hazaron ki

tasbih ise kahte hain zunnar ise kahte hain

mahshar ka kiya wada yan shakl na dikhlai

iqrar ise kahte hain inkar ise kahte hain

Takraata hun sar apna kya kya dar-e-jaanan se

jumbish bhi nahin karti diwar ise kahte hain

dil ne shab-e-furqat mein kya sath diya mera

munis ise kahte hain gham-KHwar ise kahte hain

KHamosh 'amanat' hai kuchh uf bhi nahin karta

kya kya nahin ai pyare aghyar ise kahte hain