chamakte chand se chehron ke manzar se nikal aae

chamakte chāñd se chehroñ ke manzar se nikal aa.e

ḳhudā hāfiz kahā bosa liyā ghar se nikal aa.e

ye sach hai ham ko bhī khone paḌe kuchh ḳhvāb kuchh rishte

ḳhushī is kī hai lekin halqa-e-shar se nikal aa.e

agar sab sone vaale mard aurat pāk-tīnat the

to itne jānvar kis tarah bistar se nikal aa.e

dikhā.ī de na de lekin haqīqat phir haqīqat hai

añdhere raushnī ban kar samundar se nikal aa.e

chamakte chand se chehron ke manzar se nikal aae

KHuda hafiz kaha bosa liya ghar se nikal aae

ye sach hai hum ko bhi khone paDe kuchh KHwab kuchh rishte

KHushi is ki hai lekin halqa-e-shar se nikal aae

agar sab sone wale mard aurat pak-tinat the

to itne jaanwar kis tarah bistar se nikal aae

dikhai de na de lekin haqiqat phir haqiqat hai

andhere raushni ban kar samundar se nikal aae