diye ki aankh se jab guftugu nahin hoti
diye kī aañkh se jab guftugū nahīñ hotī
vo merī raat kabhī surḳh-rū nahīñ hotī
havā ke lams meñ us kī mahak bhī hotī hai
vo shāḳh-e-gul jo kahīñ rū-ba-rū nahīñ hotī
kise nasīb ye shīrīnī-e-lab-o-lahja
har ek dasht meñ ye āb-e-jū nahīñ hotī
maiñ harf harf meñ paikar tirā samotā huuñ
ġhazal to hotī hai par hū-ba-hū nahīñ hotī
kabhī kabhī to maiñ ḳhud se kalām kartā huuñ
kabhī kabhī to ye lagtā hai tū nahīñ hotī
diye ki aankh se jab guftugu nahin hoti
wo meri raat kabhi surKH-ru nahin hoti
hawa ke lams mein us ki mahak bhi hoti hai
wo shaKH-e-gul jo kahin ru-ba-ru nahin hoti
kise nasib ye shirini-e-lab-o-lahja
har ek dasht mein ye aab-e-ju nahin hoti
main harf harf mein paikar tera samota hun
ghazal to hoti hai par hu-ba-hu nahin hoti
kabhi kabhi to main KHud se kalam karta hun
kabhi kabhi to ye lagta hai tu nahin hoti
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
