ek kahani KHatm hui hai ek kahani baqi hai
ek kahānī ḳhatm huī hai ek kahānī baaqī hai
maiñ be-shak mismār huuñ lekin merā saanī baaqī hai
dasht-e-junūñ kī ḳhaak uḌāne vāloñ kī himmat dekho
TuuT chuke haiñ andar se lekin man-mānī baaqī hai
haath mire patvār bane haiñ aur lahreñ kashtī merī
zor havā kā qaa.em hai dariyā kī ravānī baaqī hai
gaahe gaahe ab bhī chale jaate haiñ ham us kūche meñ
zehn buzurgī oḌh chukā dil kī nādānī baaqī hai
kuchh ġhazleñ un zulfoñ par haiñ kuchh ġhazleñ un āñkhoñ par
jaane vaale dost kī ab ik yahī nishānī baaqī hai
na.ī na.ī āvāzeñ ubhrīñ 'pāshī' aur phir Duub ga.iiñ
shahr-e-suḳhan meñ lekin ik āvāz purānī baaqī hai
ek kahani KHatm hui hai ek kahani baqi hai
main be-shak mismar hun lekin mera sani baqi hai
dasht-e-junun ki KHak uDane walon ki himmat dekho
TuT chuke hain andar se lekin man-mani baqi hai
hath mere patwar bane hain aur lahren kashti meri
zor hawa ka qaem hai dariya ki rawani baqi hai
gahe gahe ab bhi chale jate hain hum us kuche mein
zehn buzurgi oDh chuka dil ki nadani baqi hai
kuchh ghazlen un zulfon par hain kuchh ghazlen un aankhon par
jaane wale dost ki ab ek yahi nishani baqi hai
nai nai aawazen ubhrin 'pashi' aur phir Dub gain
shahr-e-suKHan mein lekin ek aawaz purani baqi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
