ek KHuda par takiya kar ke baiTh gae hain
ek ḳhudā par takiya kar ke baiTh ga.e haiñ
dekho ham bhī kyā kyā kar ke baiTh ga.e haiñ
pūchh rahe haiñ log are vo shaḳhs kahāñ hai
jaane kaun tamāshā kar ke baiTh ga.e haiñ
utre the maidān meñ sab kuchh Thiik kareñge
sab kuchh ulTā sīdhā kar ke baiTh ga.e haiñ
saare shajar shādābī sameTe apnī apnī
dhuup meñ gahrā saaya kar ke baiTh ga.e haiñ
lauT ga.e sab soch ke ghar meñ koī nahīñ hai
aur ye ham ki añdherā kar ke baiTh ga.e haiñ
ek KHuda par takiya kar ke baiTh gae hain
dekho hum bhi kya kya kar ke baiTh gae hain
puchh rahe hain log are wo shaKHs kahan hai
jaane kaun tamasha kar ke baiTh gae hain
utre the maidan mein sab kuchh Thik karenge
sab kuchh ulTa sidha kar ke baiTh gae hain
sare shajar shadabi sameTe apni apni
dhup mein gahra saya kar ke baiTh gae hain
lauT gae sab soch ke ghar mein koi nahin hai
aur ye hum ki andhera kar ke baiTh gae hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
