farq nahin paDta hum diwanon ke ghar mein hone se
farq nahīñ paḌtā ham dīvānoñ ke ghar meñ hone se
vīrānī umDī paḌtī hai ghar ke kone kone se
apnī is kam-zarfī kā ehsās kahāñ le jā.ūñ maiñ
sun rakkhā thā uljhan kuchh kam ho jaatī hai rone se
bād-az-vaqt pashīmāñ ho kar zaḳhm nahīñ bhar sakte tum
dāman ke dhabbe albatta miT sakte haiñ dhone se
kāñTe bone vaale sach-much tū bhī kitnā bholā hai
jaise raahī ruk jā.eñge tere kāñTe bone se
mere tīkhe sher kī qīmat dukhtī rag par kaarī choT
chiknī chupḌī ġhazleñ be-shak aap ḳharīdeñ sone se
āñkhoñ meñ ye raat kaTe to Thiik 'muzaffar' hanafī jī
rahzan jhunjhlāyā baiThā hai ik manzil sar hone se
farq nahin paDta hum diwanon ke ghar mein hone se
virani umDi paDti hai ghar ke kone kone se
apni is kam-zarfi ka ehsas kahan le jaun main
sun rakkha tha uljhan kuchh kam ho jati hai rone se
baad-az-waqt pashiman ho kar zaKHm nahin bhar sakte tum
daman ke dhabbe albatta miT sakte hain dhone se
kanTe bone wale sach-much tu bhi kitna bhola hai
jaise rahi ruk jaenge tere kanTe bone se
mere tikhe sher ki qimat dukhti rag par kari choT
chikni chupDi ghazlen be-shak aap KHariden sone se
aankhon mein ye raat kaTe to Thik 'muzaffar' hanafi ji
rahzan jhunjhlaya baiTha hai ek manzil sar hone se
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
