aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

gham ka izhaar bhi karne nahin deti duniya

kanval Dibaivi

gham ka izhaar bhi karne nahin deti duniya

kanval Dibaivi

MORE BYkanval Dibaivi

    ġham iz.hār bhī karne nahīñ detī duniyā

    aur martā huuñ to marne nahīñ detī duniyā

    sab mai-ḳhāna-e-hastī se piyā karte haiñ

    mujh ko ik jaam bhī bharne nahīñ detī duniyā

    āstāñ par tire ham sar ko jhukā to lete

    sar se ye bojh utarne nahīñ detī duniyā

    ham kabhī dair ke tālib haiñ kabhī kaaba ke

    ek markaz pe Thaharne nahīñ detī duniyā

    bijliyoñ se jo bachātā huuñ nasheman apnā

    mujh ko aisā bhī to karne nahīñ detī duniyā

    mundamil hone pe aa.eñ to chhiḌaktī hai namak

    zaḳhm dil ke mire bharne nahīñ detī duniyā

    merī koshish hai mohabbat se kināra kar luuñ

    lekin aisā bhī to karne nahīñ detī duniyā

    dene vāloñ ko hai duniyā se baġhāvat lāzim

    dene vāloñ ko ubharne nahīñ detī duniyā

    jis ne buniyād gulistāñ kabhī Daalī thī

    us ko gulshan se guzarne nahīñ detī duniyā

    ghuT ke mar jā.ūñ ye ḳhvāhish hai zamāne 'kañval'

    aah bhartā huuñ to bharne nahīñ detī duniyā

    gham ka izhaar bhi karne nahin deti duniya

    aur marta hun to marne nahin deti duniya

    sab hi mai-KHana-e-hasti se piya karte hain

    mujh ko ek jam bhi bharne nahin deti duniya

    aastan par tere hum sar ko jhuka to lete

    sar se ye bojh utarne nahin deti duniya

    hum kabhi dair ke talib hain kabhi kaba ke

    ek markaz pe Thaharne nahin deti duniya

    bijliyon se jo bachata hun nasheman apna

    mujh ko aisa bhi to karne nahin deti duniya

    mundamil hone pe aaen to chhiDakti hai namak

    zaKHm dil ke mere bharne nahin deti duniya

    meri koshish hai mohabbat se kinara kar lun

    lekin aisa bhi to karne nahin deti duniya

    dene walon ko hai duniya se baghawat lazim

    dene walon ko ubharne nahin deti duniya

    jis ne buniyaad gulistan ki kabhi Dali thi

    us ko gulshan se guzarne nahin deti duniya

    ghuT ke mar jaun ye KHwahish hai zamane ki 'kanwal'

    aah bharta hun to bharne nahin deti duniya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now