ghar ko yun toDo ki phir hasrat-e-tamir na ho
ghar ko yuuñ toḌo ki phir hasrat-e-tāmīr na ho
koī taqdīr na ho aur koī tadbīr na ho
aise mar jaa.eñ koī naqsh na chhoḌeñ apnā
yaad dil meñ na ho aḳhbār meñ tasvīr na ho
baiThe baiThe yūñhī añdhiyāre meñ zaa.il ho jaa.eñ
koī dam-sāz na ho koī ḳhabar-gīr na ho
niiñd meñ titliyāñ āñkhoñ meñ lahaktī jaa.eñ
ḳhvāb dekheñ magar us ḳhvāb kī ta.abīr na ho
kaun santā hai mire sher yahāñ ab 'māmūn'
ain-mumkin hai mirī baat meñ tāsīr na ho
ghar ko yun toDo ki phir hasrat-e-tamir na ho
koi taqdir na ho aur koi tadbir na ho
aise mar jaen koi naqsh na chhoDen apna
yaad dil mein na ho aKHbar mein taswir na ho
baiThe baiThe yunhi andhiyare mein zail ho jaen
koi dam-saz na ho koi KHabar-gir na ho
nind mein titliyan aankhon mein lahakti jaen
KHwab dekhen magar us KHwab ki tabir na ho
kaun santa hai mere sher yahan ab 'mamun'
ain-mumkin hai meri baat mein tasir na ho
- Book : Sanson Ke Paar (Pg. 173)
- Author : Khalil Mamoon
- Publication : Educational Publishing House, Delhi (2015)
- Edition : 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
