haal mein jine ki tadbir bhi ho sakti hai
haal mein jine ki tadbir bhi ho sakti hai
Farhat Nadeem Humayun
MORE BYFarhat Nadeem Humayun
haal meñ jiine kī tadbīr bhī ho saktī hai
zindagī maazī kī tasvīr bhī ho saktī hai
aas meñ us kī na har kaam adhūrā chhoḌo
us ke aane meñ to tāḳhīr bhī ho saktī hai
merā har ḳhvāb to bas ḳhvāb hī jaisā niklā
kyā kisī ḳhvāb kī ta.abīr bhī ho saktī hai
dil to merā thā magar ye mujhe ma.alūm na thā
ye kisī aur kī jāgīr bhī ho saktī hai
zindagī jalne lagī ātish-e-tanhā.ī meñ
jurm-e-ulfat kī ye ta.azīr bhī ho saktī hai
dil ko barbād nahīñ karnā ki is meñ phir se
ḳhvāhishoñ kī na.ī ta.amīr bhī ho saktī hai
thak gayā huuñ maiñ hikāyāt-e-junūñ likh likh kar
ye mirī āḳhirī tahrīr bhī ho saktī hai
haal mein jine ki tadbir bhi ho sakti hai
zindagi mazi ki taswir bhi ho sakti hai
aas mein us ki na har kaam adhura chhoDo
us ke aane mein to taKHir bhi ho sakti hai
mera har KHwab to bas KHwab hi jaisa nikla
kya kisi KHwab ki tabir bhi ho sakti hai
dil to mera tha magar ye mujhe malum na tha
ye kisi aur ki jagir bhi ho sakti hai
zindagi jalne lagi aatish-e-tanhai mein
jurm-e-ulfat ki ye tazir bhi ho sakti hai
dil ko barbaad nahin karna ki is mein phir se
KHwahishon ki nai tamir bhi ho sakti hai
thak gaya hun main hikayat-e-junun likh likh kar
ye meri aaKHiri tahrir bhi ho sakti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
