hain ab is fikr mein Dube hue hum
haiñ ab is fikr meñ Duube hue ham
use kaise lage rote hue ham
koī dekhe na dekhe sālhā-sāl
hifāzat se magar rakkhe hue ham
na jaane kaun sī duniyā meñ gum haiñ
kisī bīmār kī sunte hue ham
rahe jis kī masīhā.ī meñ ab tak
usī ke chārāgar hote hue ham
girāñ thī saa.e kī maujūdgī bhī
ab apne aap se sahme hue ham
kahāñ haiñ ḳhvāb meñ dekhe jazīre
nikal aa.e kidhar bahte hue ham
baḌhīñ nazdīkiyāñ is darja ḳhud se
ki ab us kā badal hote hue ham
rakheñ kyūñkar hisāb ek ek pal kā
balā se roz kam hote hue ham
bahut himmat kā hai ye kaam 'shāriq'
ki sharmāte nahīñ Darte hue ham
hain ab is fikr mein Dube hue hum
use kaise lage rote hue hum
koi dekhe na dekhe salha-sal
hifazat se magar rakkhe hue hum
na jaane kaun si duniya mein gum hain
kisi bimar ki sunte hue hum
rahe jis ki masihai mein ab tak
usi ke chaaragar hote hue hum
giran thi sae ki maujudgi bhi
ab apne aap se sahme hue hum
kahan hain KHwab mein dekhe jazire
nikal aae kidhar bahte hue hum
baDhin nazdikiyan is darja KHud se
ki ab us ka badal hote hue hum
rakhen kyunkar hisab ek ek pal ka
bala se roz kam hote hue hum
bahut himmat ka hai ye kaam 'shaariq'
ki sharmate nahin Darte hue hum
Source:
Khidki To Main Ne Khol Hi Li (Pg. 54)
- Author: Shariq Kaifi
-
- Edition: 3rd
- Publisher: Rekhta Publications
- Year of Publication: 2022
This content features in following collection(s)
COMMENT
COMMENTS
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
