aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hairan hun ki ab laun kahan se main zaban aur

Bismil Sabri

hairan hun ki ab laun kahan se main zaban aur

Bismil Sabri

MORE BYBismil Sabri

    hairāñ huuñ ki ab lā.ūñ kahāñ se maiñ zabāñ aur

    lab kahte haiñ kuchh aur unheñ hotā hai gumāñ aur

    jaa.eñ to kahāñ jaa.eñ mohabbat ke ḳharīdār

    arbāb-e-siyāsat ne to kholī hai dukāñ aur

    ma.alūm nahīñ hai mire sayyād ko shāyad

    ghuTtī hai agar saañs to khultī hai zabāñ aur

    ab vāda-e-fardā meñ kashish kuchh nahīñ baaqī

    dohrā.ī huī baat guzartī hai girāñ aur

    dekhegī jo ik pal meñ mirī aañkh se tujh ko

    ho jā.egī duniyā tirī jānib nigarāñ aur

    lag jaatī haiñ mohreñ laboñ par unheñ mil kar

    hotā hai magar dil ke dhaḌakne samāñ aur

    khultī haiñ nahīñ hashr ke din bhī mirī āñkheñ

    shāyad ki muqaddar meñ hai ik ḳhvāb-e-girāñ aur

    ham raakh hue us pe magar aañch na aa.ī

    jalne samāñ aur jalāne samāñ aur

    go arz-o-talab ek hasīñ shaġhl hai lekin

    is khel meñ baḌh jaatā hai andesha-e-jāñ aur

    me.arāj-e-takallum hai ḳhamoshī mirī 'bismil'

    aatī nahīñ koī mujhe tarz-e-fuġhāñ aur

    hairan hun ki ab laun kahan se main zaban aur

    lab kahte hain kuchh aur unhen hota hai guman aur

    jaen to kahan jaen mohabbat ke KHaridar

    arbab-e-siyasat ne to kholi hai dukan aur

    malum nahin hai mere sayyaad ko shayad

    ghuTti hai agar sans to khulti hai zaban aur

    ab wada-e-farda mein kashish kuchh nahin baqi

    dohrai hui baat guzarti hai giran aur

    dekhegi jo ek pal mein meri aankh se tujh ko

    ho jaegi duniya teri jaanib nigaran aur

    lag jati hain mohren si labon par unhen mil kar

    hota hai magar dil ke dhaDakne ka saman aur

    khulti hain nahin hashr ke din bhi meri aankhen

    shayad ki muqaddar mein hai ek KHwab-e-giran aur

    hum rakh hue us pe magar aanch na aai

    jalne ka saman aur jalane ka saman aur

    go arz-o-talab ek hasin shaghl hai lekin

    is khel mein baDh jata hai andesha-e-jaan aur

    mearaj-e-takallum hai KHamoshi meri 'bismil'

    aati hi nahin koi mujhe tarz-e-fughan aur

    Source:

    Pakistani Adab (Pg. 373)

    • Author: Dr. Rashid Amjad
      • Edition: 2009
      • Publisher: Pakistan Academy of Letters, Islambad, Pakistan
      • Year of Publication: 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now