hum ahl-e-nazara sham-o-sahar aankhon ko fidya karte hain

ham ahl-e-nazāra shām-o-sahar āñkhoñ ko fidya karte haiñ

ham jalva jalva kahte haiñ vo parda parda karte haiñ

ai nāseh tū kyā kahtā hai vo aajiz hai mai-noshī se

le toḌ rahe haiñ sāġhar ko ham aaj hī tauba karte haiñ

sarkār kā hai bāzār bhī kyā har jins ḳharīdī jaatī hai

bech aa.e sab īmān dharam ham sar kā saudā karte haiñ

jab ham ne zabāñ kholī apnī maslūb hue maqtūl hue

ye dekhiye ham ḳhāmosh hue sab merā charchā karte haiñ

ye kunj-e-qafas ye āh-o-bukā ye rañj-o-alam haiñ mere liye

kyā baat huī mil kar ham se kyūñkar vo girya girte haiñ

vo dil apnā bahlāte haiñ is shām-o-sahar ke khel meñ ham

har sub.h dabāte haiñ jazbe har shaam vo fitna karte haiñ

jab baat vafā kī aatī hai jab manzar rañg badaltā hai

aur baat bigaḌne lagtī hai vo phir ik va.ada karte haiñ

hum ahl-e-nazara sham-o-sahar aankhon ko fidya karte hain

hum jalwa jalwa kahte hain wo parda parda karte hain

ai naseh tu kya kahta hai wo aajiz hai mai-noshi se

le toD rahe hain saghar ko hum aaj hi tauba karte hain

sarkar ka hai bazar bhi kya har jins KHaridi jati hai

bech aae sab iman dharam hum sar ka sauda karte hain

jab hum ne zaban kholi apni maslub hue maqtul hue

ye dekhiye hum KHamosh hue sab mera charcha karte hain

ye kunj-e-qafas ye aah-o-buka ye ranj-o-alam hain mere liye

kya baat hui mil kar hum se kyunkar wo girya girte hain

wo dil apna bahlate hain is sham-o-sahar ke khel mein hum

har subh dabaate hain jazbe har sham wo fitna karte hain

jab baat wafa ki aati hai jab manzar rang badalta hai

aur baat bigaDne lagti hai wo phir ek wada karte hain