Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hum apne ghar se ba-rang-e-hawa nikalte hain

Najeeb Ahmad

hum apne ghar se ba-rang-e-hawa nikalte hain

Najeeb Ahmad

ham apne ghar se ba-rañg-e-havā nikalte haiñ

kisī ke haq meñ kisī ke ḳhilāf chalte haiñ

abhī to din hai abhī taḳht-e-āsmāñ pe chamak

tulū-e-shām ke saath āftāb Dhalte haiñ

chale bhī ham to mah-o-sāl misāl chale

faqīr log inhī silsiloñ meñ palte haiñ

uḌe bhī ham to usī samt ruḳh rahā apnā

jidhar uḌeñ to farishtoñ ke par bhī jalte haiñ

hamāre aks tire shahr meñ rahe ābād

ki us jagah to faqat aa.ine badalte haiñ

zamīñ pe paañv zarā ehtiyāt se dharnā

ukhaḌ ga.e to qadam phir kahāñ sambhalte haiñ

'najīb' jin ko ġharaz ho na kuchh zamāne se

unhī ke saath abad tak zamāne chalte haiñ

hum apne ghar se ba-rang-e-hawa nikalte hain

kisi ke haq mein kisi ke KHilaf chalte hain

abhi to din hai abhi taKHt-e-asman pe chamak

tulu-e-sham ke sath aaftab Dhalte hain

chale bhi hum to mah-o-sal ki misal chale

faqir log inhi silsilon mein palte hain

uDe bhi hum to usi samt ruKH raha apna

jidhar uDen to farishton ke par bhi jalte hain

hamare aks tere shahr mein rahe aabaad

ki us jagah to faqat aaine badalte hain

zamin pe panw zara ehtiyat se dharna

ukhaD gae to qadam phir kahan sambhalte hain

'najib' jin ko gharaz ho na kuchh zamane se

unhi ke sath abad tak zamane chalte hain

Source :
  • Book : Funoon (Monthly) (Pg. 535)
  • Author : Ahmad Nadeem Qasmi
  • Publication : 4 Maklood Road, Lahore (25Edition Nov. Dec. 1986)
  • Edition : 25Edition Nov. Dec. 1986
0
COMMENTS
VIEW COMMENTS VIEW COMMENTS

Additional information available

Click on the INTERESTING button to view additional information associated with this sher.

OKAY

About this sher

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

Close

rare Unpublished content

This ghazal contains ashaar not published in the public domain. These are marked by a red line on the left.

OKAY

You have remaining out of free content pages per year. Log In or Register to become a Rekhta Family member to access the full website.

Speak Now