hum ek din nikal aae the KHwab se bahar

ham ek din nikal aa.e the ḳhvāb se bāhar

so ham ne rañj uThā.e hisāb se bāhar

isī umiid pe guzrī hai zindagī saarī

kabhī to ham se miloge hijāb se bāhar

tumhārī yaad nikaltī nahīñ mire dil se

nasha chhalaktā nahīñ hai sharāb se bāhar

kisī ke dil meñ utarnā hai kār-e-lā-hāsil

ki saarī dhuup to hai āftāb se bāhar

'shanās' khol diye jis ne ham pe sab asrār

vo ek lafz milā hai kitāb se bāhar

hum ek din nikal aae the KHwab se bahar

so hum ne ranj uThae hisab se bahar

isi umid pe guzri hai zindagi sari

kabhi to hum se miloge hijab se bahar

tumhaari yaad nikalti nahin mere dil se

nasha chhalakta nahin hai sharab se bahar

kisi ke dil mein utarna hai kar-e-la-hasil

ki sari dhup to hai aaftab se bahar

'shanas' khol diye jis ne hum pe sab asrar

wo ek lafz mila hai kitab se bahar