humse tanhai ke mare nahin dekhe jate
ham se tanhā.ī ke maare nahīñ dekhe jaate
bin tire chāñd sitāre nahīñ dekhe jaate
hārnā din kā hai manzūr magar jān-e-azīz
ham se gesū tire haare nahīñ dekhe jaate
dil phañsā bhī ho bhañvar meñ to koī baat nahīñ
rañj meñ Dūbte pyāre nahīñ dekhe jaate
jin ke pairoñ meñ samundar the jhukā.e nazreñ
un kī āñkhoñ meñ kināre nahīñ dekhe jaate
chhīn le merī samā.at kī basārat yā-rab
un laboñ par mire na.are nahīñ dekhe jaate
jin kī aahaT se bañdhī thī mire dil kī dhaḌkan
un nigāhoñ ke ishāre nahīñ dekhe jaate
tuur patthar thā mire dil ko dikhā apnī jhalak
phir ye kahnā ki nazāre nahīñ dekhe jaate
māh-e-kāmil bhī jise dekh ke sajde meñ gire
aañkh meñ us kī sitāre nahīñ dekhe jaate
hum se tanhai ke mare nahin dekhe jate
bin tere chand sitare nahin dekhe jate
haarna din ka hai manzur magar jaan-e-aziz
hum se gesu tere haare nahin dekhe jate
dil phansa bhi ho bhanwar mein to koi baat nahin
ranj mein Dubte pyare nahin dekhe jate
jin ke pairon mein samundar the jhukae nazren
un ki aankhon mein kinare nahin dekhe jate
chhin le meri samaat ki basarat ya-rab
un labon par mere nare nahin dekhe jate
jin ki aahaT se bandhi thi mere dil ki dhaDkan
un nigahon ke ishaare nahin dekhe jate
tur patthar tha mere dil ko dikha apni jhalak
phir ye kahna ki nazare nahin dekhe jate
mah-e-kaamil bhi jise dekh ke sajde mein gire
aankh mein us ki sitare nahin dekhe jate
- Book : Aaina Jhuta hai (Pg. 186)
- Author : Farhat Shahzad
- Publication : Al-hamd Publication (1997)
- Edition : 1997
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
